ადგილობრივები მარნეულში ახალგაზრდა ქალისა და მისი 22 წლის შვილის მკვლელობის ფაქტზე დეტალებს ყვებიან

ადგილობრივები მარნეულის სოფელ ახლოლალოში ახალგაზრდა ქალისა და მისი 22 წლის შვილის ცეცხლსასროლი იარაღით მკვლელობის ფაქტზე დეტალებს ყვებიან.
როგორც მათ „ინტერპრესნიუსს“ განუცხადეს, დედა-შვილი მათივე ახლო ნათესავმა, მამა-შვილმა მოკლა. კერძოდ, ერთ-ერთი ბრალდებული, 16 წლის მოზარდი და მოკლული გოგონა ბიძაშვილები იყვნენ. მეზობლების ინფორმაციით, ისინი გვერდი-გვერდ ცხოვრობდნენ.
"საღამოს საათებში სროლის ხმა გავიგეთ და ადგილზე მოვედით. ეზოში ორი მოკლულის, დედა-შვილის ცხედარი ვნახეთ. მკვლელობის მოტივი ყველა ჩვენგანისთვის უცნობია,“- აცხადებს ოჯახის ახლობელი.
როგორც ადგილობრივები ამბობენ, ნათესავებს შორის უთანხმოება არ ყოფილა.
"ორივე წყნარი ოჯახი იყო, ჩხუბის ხმაც კი არასდროს გაგვიგია. ყველა გაკვირვებული ვართ,“ - აღნიშნავს მეზობელი.

























