ოპოზიციურმა პარტიებმა ზუგდიდის საოლქო საარჩევნო კომისიის წინ საერთო საპროტესტო აქცია გამართეს და საოლქო სარჩევნო კომისიის მიერ არჩევნების გაყალბება გააპროტესტეს.

„ევროპული საქართველოს“ წევრის, ბათლომე შელიას თქმით, ზუგდიდის საოლქო საარჩევნო კომისიამ ზუგდიდის არჩევნები გააყალბა და ანტისახელმწიფოებრივი ქმედება ჩაიდინა.

შელიამ აღნიშნა, რომ სწორედ ამიტომ გამართეს ოპოზიციური პარტიების წარმომადგენლებმა საერთო საპროტესტო აქცია ზუგდიდის საოლქო საარჩევნო კომისიის წინ.

"მათ მოიპარეს ამომრჩევლის ხმები, ამრიგად ჩვენ მოვედით აქ, რათა გავაპროტესტოთ მათი ანტისახელმწიფოებრივი ქმედება“ , - განაცხადა ბათლომე შელიამ.

აღნიშნულ ინფორმაციას „ევროპული საქართველოს“ პრესსამსახური ავრცელებს.