აჭარის მთავრობის სახლთან გაერთიანებული ოპოზიციის აქცია განახლდა. აქციაზე აჭარაში მოქმედი სხვადასხვა ოპოზიციური პარტიების წარმომადგენლები იმყოფებიან, მანამდე მათ ბათუმის ქუჩებში საპროტესტო მსვლელობა მოაწყვეს.
ამასთან, აჭარის მთავრობის შენობასთან გამსახურდიას ქუჩაზე მოძრაობა შეზღუდულია, რადგან აქციის მონაწილეებმა კარვები გაშალეს და სცენა დაამონტაჟეს.
"მოთხოვნა უცვლელია, ჩვენ არ ვითხოვთ მეორე ტურს, დაუყოვნებლივ ვადამდელი საპარლამენტო არჩევნები სამართლიან გარემოში ჩატარდეს, სადაც თითოეული ადამიანის ხმა იქნება დაცული. 31 ოქტომბერს ეს არ მომხდარა, "ქართულმა ოცნებამ" მოიტაცა ხმები, სწორედ ამიტომ აქ ვდგავართ და ვაპროტესტებთ",- აცხადებენ შეკრებილები.