"სტრატეგია აღმაშენებლის" ერთ-ერთი ლიდერის თაკო ჩარკვიანის განცხადებით, მას ვაკის საოლქო საარჩევნო კომისიაში შესვლის უფლებას არ აძლევენ.

როგორც მან ჟურნალისტებს განუცხადა, ეს არის სისხლის სამართლის დანაშაული.

"ეს არის სისხლის სამართლის დანაშაული. სახელმწიფო მიიტაცა ბიძინა ივანიშვილმა. ჩვენ ჩვენი დეპუტატობა დავთმეთ. მიმიფურთხებია მაგისი გაყალბებული დეპუტატობისთვის. მე ხალხის სამსახურში მინდოდა, მაგის სამსახურში კი არა. ხალხის ხმას ვიცავ, ვინც პატივი გვცა, იმის ხმას ვიცავ. სახელმწიფო მიტაცებული აქვს, ვიღაც გაუმაძღარ ფეოდალს", - განაცხადა თაკო ჩარკვიანმა.