ბათუმში 79-ე საოლქო საარჩევნო კომისიასთან გაერთიანებული ოპოზიციის წევრებსა და სამართალდამცავებს შორის დაპირისპირებაა.

როგორც აჭარის პოლიციის დეპარტამენტის უფროსი კოტე ანანიაშვილი აცხადებს, იგი მოუწოდებს აქციის მონაწილეებს ოლქის შენობის მიმდებარე ტერიტორიიდან გავიდნენ და გაირკვევა, ვის აქვს სხდომაზე დასწრების უფლება.

მისი თქმით, სხვა მხრივ ვერ მოხდება სხდომაზე დასწრება.

ოპოზიციის წევრები სამართალდამცავებს პროვოკაციის მოწყობაში ადანაშაულებენ.

" ეს ხალხი პოლიციელები, რომ უბნებთან დამდგარიყო და კრიმინალს არჩევნები არ ჩაეტარებინა, პოლიციას რომ არ "გაეპრავებინა" ეს ყველაფერი არ მოხდებოდა. პოლიცია ამ ყველაფრის თანამონაწილეა, წამლებით და იარაღით ატარებენ არჩევნებს",- აცხადებს მირდატ ქამადაძე ენმ-ს წევრი.