ბათუმში 79-ე საოლქო საარჩევნო კომისიის შენობას გაერთიანებული ოპოზიციის წევრებმა და აქტივისტებმა პროტესტის ნიშნად კვერცხები დაუშინეს. როგორც ისინი აცხადებენ, დაშლას არ აპირებენ.

ამ დროისათვის, ტერიტორიაზე სიმშვიდეა, 79-ე საოლქო საარჩევნო კომისიის მთავარ შესასვლელთან სამართალდამცავები არიან მობილიზებული და აქციის მონაწილეებს შენობაში შესვლის უფლებას არ აძლევენ.

ცნობისთვის, ბათუმის 79-ე საოლქო საარჩევნო კომისიაში საჩივრების განხილვა მიმდინარეობს. პარალელურად ოპოზიციის წარმომადგენლები აქციას მართავენ. აქციის მონაწილეებსა და სამართალდამცველებს შორის რამდენჯერმე მოხდა დაპირისპირება.