ბათუმში, "მომავლის არჩევანის" წევრებს სამართალდამცველებმა საოლქო საარჩევნო კომისიის სხდომა დაატოვებინეს

ბათუმის 79-ე საოლქო საარჩევნო კომისიის სხდომა არასამთავრობო ორგანიზაცია "მომავლის არჩევანის" წევრებს სამართალდამცავებმა დაატოვებინეს.

როგორც არასამთავრობოს წევრმა თენგიზ სურმანიძემ ჟურნალისტებს განუცხადა, საოლქო საარჩევნო კომისიაში კანონთან შესაბამისობაში არაფერი ხდება.

მისი თქმით, 79-ე საოლქო საარჩევნო კომისია "ქართული ოცნების" სხდომას ჰგავს და ბიძინა ივანიშვილს პატაკს აბარებს.

"კანონთა შესაბამისობაში არაფერი ხდება, კომისიის წევრები "ქართული ოცნების" სხდომაზე არიან. არცერთი ოქმი და საჩივარი არ არის დაკმაყოფილებული. ვითხოვე სიტყვა, რეგლამენტში ჩავეტიე და ქალბატონ ციალა შავაძეს, რომელიც ოლქის თავმჯდომარეა, ჩემი შენიშვნა არ მოეწონა, რის გამოც სამართალდამცავების ჩართულობით უსაფუძვლოდ შენობა დამატოვებინა", - აცხადებს თენგო სურმანიძე.

ცნობისთვის, ბათუმის 79-ე საოლქო საარჩევნო კომისიასთან საპროტესტო აქცია გრძელდება. ცოტა ხნის წინ სამართალდამცავებსა და გაერთიანებული ოპოზიციის წევრებს შორის ფიზიკური დაპირისპირება იყო, სადაც რამდენიმე ადამიანი დაშავდა.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 23.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო