ბათუმის 79-ე საოლქო საარჩევნო კომისიის სხდომა "ერთიანი ნაციონალური მოძრაობის" წარმომადგენლებმა პროტესტის ნიშნად დატოვეს, სხდომაზე ამ დროისთვის შესვენება გამოცხადდა.
"სამწუხაროდ, ჩრდილოეთ კორეაში შევაბიჯეთ ფეხი, ანუ ჩვეულებრივად ჩრდილოეთ კორეაში ვცხოვრობთ. მე-19 უბანზე დათვლილი ოპოზიური პარტიების ხმები უფრო მეტია, ამიტომ ამ უბნებზე უკან დახევას არ აპირებენ. ბევრი უბანია დარჩენილი და ამათი გადაწყვეტილებებიც სტანდარტული იქნება. სპეცუბანზე 111 ბიულეტენი არის დაკარგული, გაცემულია 230 ბიულეტენი, აქ რომელ არჩევნებზე და შედეგებზეა საუბარი?",- აცხადებს "ენმ"-ის წარმომადგენელი უშანგი მიქელაძე.
ბათუმის 79-ე საოლქო საარჩევნო კომისიაში 40 -მდე საჩივარი იყო შეტანილი, რომელთა უმრავლესობა საოლქო კომისიამ არ დააკმაყოფილა.
ცნობისთვის, ოლქის პარალელურად საპროტესტო აქცია გრძელდება, ადგილზე სამართალდამცავებიც რჩებიან.