"ნაციონალური მოძრაობის" წევრი აცხადებს, რომ ბათუმში 8 ნოემბრამდე აქციებს წყვეტენ და მოსახლეობასთან შეხვედრებს დაიწყებენ

აჭარის მთავრობის სახლთან გაერთიანებული ოპოზიციის ლიდერები და აქტივისტები საპროტესტო აქციას წყვეტენ.

როგორც "ერთიანი ნაციონალური მოძრაობის" აჭარის ორგანიზაციის წევრმა მირდატ ქამადაძემ განაცხადა, საკოორდინაციო საბჭოს გადაწყვეტილებით, რესურსს აჭარის რეგიონისკენ მიმართავენ და მოსახლეობას შეხვდებიან.

მისი თქმით, მოსახლეობას გაყალბებულ არჩევნებზე ინფორმაციას მიაწვდიან, რათა კვირას ბათუმში დაგეგმილ მასშტაბურ აქციაში მონაწილეობა მიიღონ და მათი ხმების დაცვა მოხდეს.

"ჩვენ ვნახეთ, რომ პოლიცია კრიმინალების მიერ ჩატარებულ არჩევნებს იცავს. საკოორდინაციო საბჭომ მივიღეთ გადაწყვეტილება და ვცვლით ჩვენს სტრატეგიას, ამ ხელისუფლებასთან ამ მეთოდი ბრძოლა, როგორც ჩანს არ გამოდის, იმიტომ, რომ ყველა უმსგავსო ნორმებს მიმართავენ , როგორმე გააპრავონ გაყალბებული არჩევნები.

კვირამდე პერმანენტული აქციები დაანონსებული გვქონდა, თუმცა მივიღეთ გადაწყვეტილება, რომ მთელი ეს რესურსი ვინც აქ ვართ, გავდივართ აჭარის მასშტაბით და ყველა მოქალაქეს ვხდებით და კიდევ ერთხელ ვუხსნით, რა მნიშვნელოვანია მათი არჩევანის დაცვა. კვირას 8 ნოემბერს 15:00 საათზე თბილისის პარალელურად ვიკრიბებით აქ, და ხელისუფლება იმ ხალხის ძალას ნახავს, ვისაც არჩევნები მოპარა",- განაცხადა მირდატ ქამადაძემ.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს