ქუთაისის ხანდაზმულთა პანსიონატში კორონავირუსით ინფიცირების რამდენიმე შემთხვევა გამოვლინდა.
როგორც პანსიონატის დირექტორი მალხაზ ბადირეიშვილი აცხადებს, ამ დროისთვის ინფიცირებულია სამი ბენეფიციარი და 10 თანამშრომელი. ინფიცირებულები საჩხერის სამედიცინო ცენტრში არიან გადაყვანილი, მათი მდგომარეობა დამაკმაყოფილებელია. ამასთან, პანსიონატში რამდენიმე პირის ტესტის პასუხს ელოდებიან. პანსიონატში ვარაუდობენ, რომ ინფიცირებულთა რაოდენობა გაიზრდება.
მათი ინფორმაციით, ინფიცირება, სავარაუდოდ, უსიმპტომო თანამშრომლისგან მოხდა. პანსიონატაში 98 ბენეფიციარი ჰყავთ.