ისანში, #5 საოლქო საარჩევნო კომისიასთან ინციდენტი მოხდა
ისნის #5 საოლქო საარჩევნო კომისიასთან ინციდენტი მოხდა.
სხდომის პარალელურად, სადაც "სტრატეგია აღმაშენებლის" აქცია მიმდინარეობს, ერთ-ერთმა აქტივისტმა შენობას ისნის საოლქო საარჩევნო კომისიის აღმნიშვნელი ბანერი მოაძრო, თუმცა, პოლიციელებმა ბანერი მას მალევე წაართვეს.
"არ დავიღლებით და სახლში არ წავალთ! ახალგაზრდებს ვერ გააჩერებთ! არ შეგვშინებია არც დათვის ტყვიების და ამოთხრილი თვალების. ვიმსახურებთ დემოკრატიულ საქართველოს",- აცხადებენ აქციის მონაწილეები.
აქციის მონაწილეებმა პოლიციელებს მოუწოდეს დადგნენ ხალხის მხარეს.
" ნუ ჩაყვებით ივანიშვილს პოლიტიკურ სამარეში. დადექით ხალხის მხარეს, დადექით სიმართლის მხარეს",- აცხადებენ აქციის მონაწილეები.
