რუსთავში ყაზახეთის საპატიო საკონსულო გაიხსნა

რუსთავში ყაზახეთის რესპუბლიკის საპატიო საკონსულო დაწესებულება გაიხსნა. დაწესებულება ორ საკონსულო ოლქს - ქვემო ქართლსა და მცხეთა - მთიანეთს მოიცავს.

რუსთავის მერიის ინფორმაციით, საკონსულოს ოფიციალური გახსნის ცერემონიალს, ყაზახეთის საპატიო და სრულუფლებიანი ელჩი საქართველოში ბაურჟან მუხამეჯანოვი, საქართველოს საგარეო საქმეთა მინისტრის მოადგილე ალექსანდრე ხვთისიაშვილი, რუსთავის მერი ირაკლი ტაბაღუა, ქვემო ქართლის გუბერნატორი შოთა რეხვიაშვილი, რუსთავის მერის მოადგილე ბესიკ ტოგონიძე და სხვა ოფიციალური პირები ესწრებოდნენ.

ყაზახეთის საპატიო კონსული საქართველოში გიორგი ჯახუტაშვილი იქნება. საკონსულო ყაზახეთის ელჩმა, საპატიო კონსულმა და საქართველის საგარეო საქმეთა მინისტრის მოადგილემ გახსნეს. ღონისძიება, პანდემიის პირობებში არსებული რეგულაციების დაცვით წარიმართა.

"ძალიან მნიშვნელოვანია რეგიონების როლი ქვეყნებს შორის ურთიერთობებში მისასალმებელია, რომ ყაზახეთის საპატიო საკონსულო რუსთავში, ქვემო ქართლში გაიხსნა“, - განაცხადა ქვემო ქართლის გუბერნატორმა შოთა რეხვიაშვილმა.

რუსთავის მერმა, ყაზახეთის სრულუფლებიან საპატიო ელჩს საქართველოში, რუსთავის არქეოლოგიური გათხრების შედეგად ნანახი მე-11 საუკუნით დათარიღებული ერთ-ერთი არტეფაქტის ასლი გადასცა საჩუქრად.

"ძალიან მნიშვნელოვანია ყაზახეთის რესპუბლიკის საპატიო საკონსულოს გახსნა რუსთავში. მოგეხსენებათ, რუსთავს საკმაოდ დიდი ეკონომიკური პოტენციალი აქვს, ბოლო სამი წლის განმავლობაში თითქმის 150 მილიონის ინვესტიციის მოზიდვა შევძელით და ყაზახეთის საკონსულოს რუსთავში არსებობა, კიდევ უფრო მეტი ინვესტიციის მოზიდვის პერსპექტივას აჩენს. ძალიან მნიშვნელოვანი და ალბათ ყველაზე მთავარი, ორ ქვეყანას შორის მეგობრობა და ის ურთიერთობებია, რომელიც კიდევ უფრო უნდა გავაღრმაოთ“, - განაცხადა რუსთავის მერმა ირაკლი ტაბაღუამ.

ყაზახეთის რესპუბლიკის საკონსულო დაწესებულების ფუნქციები ყაზახეთის მოქალაქეთა ინტერესების დაცვა საქართველოში, ასევე საქართველსა და ყაზახეთს შორის სავაჭრო, ეკონომიკური, კულტურული და სამეცნიერო ურთიერთობების გაღრმავებაა.

საქართველოსა და ყაზახეთის რესპუბლიკას შორის, დიპლომატიური ურთიერთობები 1992 წლიდან დამყარდა. ყაზახეთი საქართველოს ერთ-ერთი უმსხვილესი სავაჭრო პარტნიორია, განსაკუთრებით აღსანიშნავია, თანამშრომლობა ენერგეტიკისა და სატრანსპორტო სფეროებში.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 04.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა