თელავის მუნიციპალიტეტში, სოფელ აკურაში სატვირთო ავტომობილი მოცურდა და გალავანს დაეჯახა. შემთხვევის დროს არავინ დაშავებულა.

შეჯახების შედეგად დაზიანდა ბუნებრივი აირის ცენტრალური მილი.

ამ ეტაპზე, სოფლის მცხოვრებლების უსაფრთხოებიდან გამომდინარე სოფელს გაზი არ მიეწოდება. ადგილზე მუშაობენ „თელავგაზის” წარმომადგენლები.

მომხდარის გამო თელავი- გურჯაანის დამაკავშირებელ გზაზე მოძრაობა შეფერხებულია.

მობილიზებულია პოლიცია და სახანძრო ჯგუფები.