ბათუმში, ე.წ ხოფას ბაზრობაზე ოპოზიციის წევრებს თავს დაესხნენ. როგორც პოლიტიკური მოძრაობა "ლელოს" წევრი მიშა ქავთარაძე "ინტერპრესნიუსთან" საუბრისას აცხადებს, შემთხვევის დროს ოპოზიციის წევრებმა დაზიანებები მიიღეს.

მისი თქმით, ხოფას ბაზრობაზე ხვალ დაგეგმილი აქციის შესახებ ფლაიერებს არიგებდნენ, როდესაც უცნობმა პირებმა ჯერ სიტყვიერი, შემდეგ კი ფიზიკირი შეურაცხყოფა მიაყენეს.

"ფალიერებს ვარიგებდით და ხვალინდელი აქციის შესახებ მოქალაქეებს ინფორმაციას ვაწვდიდით, ამ დროს ერთი პირი მოგვიახლოვდა სიტყვიერი შეურაცხყოფა მოგვაყენა, შემდეგ მათი რაოდენობა გაიზარდა და 10-მდე პირი ფიზიკურად გაგვისწორდა. დაზიანებები სახის არეში მოგვაყენეს, თუმცა სამედიცინო ჩარევა არ დაგვჭირვებია", - განაცხადა მიშა ქავთარაძემ.

იხილეთ ვიდეო: ბათუმში ე.წ ხოფის ბაზრობაზე გაერთიანებული ოპოზიციის წევრებს თავს დაესხნენ