აბაშის მუნიციპალიტეტის სამიქაო-მაიდნის ადმინისტრაციულ ერთეულში, ცენტრალური გზის 9 კმ-იანი მონაკვეთის სარეაბილიტაციო სამუშაოები დაიწყო. ამის შესახებ „ინტერპრესნიუსს“ აბაშის მუნიციპალიტეტიდან აცნობეს.
მათივე ინფორმაციით, ინტენსიური მიმოსვლის გზა მაიდნის მოსახლეობას აკავშირებს, ერთი მხრივ, მარტვილის მუნიციპალიტეტთან და მეორე მხრივ, აბაშის მუნიციპალიტეტის ცენტრთან. ასევე, ამ გზით ისარგებლებს სოფელ სამიქაოს, გეზათისა და გულუხეთის მოსახლეობა. პროექტის განხორციელების შემდეგ კომფორტული და უსაფრთხო გზით ისარგებლებს 4000-მდე მოქალაქე. პროექტი რეგიონებში განსახორციელებელი პროექტების ფონდიდან 1 222 000 ლარით ფინანსდება. სამუშაოები რამდენიმე დღეში დასრულდება. სამუშაოებს ასრულებს შპს „ინდიკო“.