საპროტესტო აქცია, რომელსაც ზუგდიდში ოპოზიციური პარტიების წევრები და მათი მხარდამჭერები მართავდნენ, დასრულდა. აქციის მონაწილეები მას შემდეგ დაიშალნენ, რაც "ერთიანი ნაციონალური მოძრაობის" წევრმა ანა წითლიძემ საოლქო კომისიის შენობაზე სტიკერი გააკრა, რომელზეც თამარ ჟვანია და ცესკოს წევრები არიან გამოსახული და აწერია- "ხალხის ხმების ქურდები ციხეში".

აქციის მონაწილეები საპარალმენტო არჩევნების შედეგებს არ სცნობენ და ვადამდელ არჩევნებს მოითხოვდნენ.

ისინი ზუგდიდის #67 საოლქო კომისიის თავმჯდომარეს მირანდა მესხს არჩევნების გაყალბებაში ადანაშაულებენ.