ოკუპირებული ცხინვალის რეგიონში კორონავირუსის შედეგად, კიდევ ერთი პაციენტი გარდაიცვალა. ამის შესახებ სააგენტო „რესი“ ე.წ. მთავარ ინფექციონისტ ელეონორა ჯიოევაზე დაყრდნობით იუწყება.

მისი თქმით, მამაკაცი 72 წლის იყო, რომელიც საავადმყოფოში 17 ოქტომბერს შეიყვანეს პნევმონიის დიაგნოზით. მას შაქრიანი დიაბეტი და ონკოლოგიური დაავადება ჰქონდა.

მანამდე რეგიონში კორონავირუსით გარდაცვალების 15 შემთხვევა იყო დაფიქსირებული.

ჯიოევას ცნობით, 8 ნოემბრის მონაცემებით, კოვიდცენრებში 183 ადამიანი მკურნალობს, 71 კი რუსეთის სამხდრო ჰოსპიტალში წევს.