ბათუმში მიმდინარე აქციის მონაწილეებმა კარავი გაშალეს და კასრებში ცეცხლი დაანთეს

აჭარის მთავრობის სახლთან მიმდინარე აქციის მონაწილეებმა გზის სავალ ნაწილზე კარავი გაშალეს. ამასთან, აქციის მონაწილეებმა კასრებში ცეცხლი დაანთეს. როგორც ისინი აცხადებენ, დაშლას არ აპირებენ და პროტესტის გაგრძელებას თბილისში მიმდინარე აქციის პარალელურად გეგმავენ.

აქციის მონაწილეები ცესკოს თავმჯდომარის, თამარ ჟვანიას თანამდებობიდან გადაყენებას და საპარლამენტო არჩევნების ხელახლა დანიშვნას მოითხოვენ.

მათი განცხადებით, საქართველოში არჩევნები გაყალბდა და არ უნდა მოხდეს მისი კანონიერად ცნობა.

აქციაზე მცირე ინციდენტი მოხდა. როგორც "ერთიანი ნაციონალური მოძრაობის" მაჟორიტარი დეპუტატობის კანდიდატი საქართველოს პარლამენტში მიშა ბოლქვაძე აცხადებს, აქციაზე "ქართული ოცნების" მხრიდან პროვოკატორების მობილიზება ხდება, რომლებიც აქციის მონაწილეებს სიტყვიერ შეურაცხყოფას აყენებენ.

მიშა ბოლქვაძე სამართალდამცავებს მოუწოდებს, რომ პროვოკატორებისგან აქციის მონაწილეები დაიცვან და ტერიტორიაზე უსაფრთხოება უზრუნველყონ.

"ხელისუფლება ცდილობს პროვოკატორები შემოაგზავნოს. კომენტარის მიცემის დროს ოპოზიციის ერთ-ერთ ლიდერს სიტყვიერი შეურაცხყოფა მიაყენეს, ჩვენ მშვიდად ვდგავრთ და მოპარულ არჩევნებს ვაპროტესტებთ. მოსახლეობამ ეს კარავი სახლიდან მოიტანა და გაშალა, იმისათვის, რომ არ დავიშლებით. პოლიციამ, უზრუნველყოს უსაფრთხოების დაცვა. ჩვენ ვალდებული ვართ, ოპოზიციის კანდიდატები ხალხის გვერდით ვიქნებით და უარს ვაცხადებთ არჩევნების მეორე ტურში მონაწილეობის მიღებაზე", - განაცხადა მიშა ბოლქვაძემ.

ცნობისთვის, დღეს 15:00 საათიდან, აჭარის მთავრობის სახლის მიმდებარე ტერიტორიაზე ოპოზიციის წევრები მხარდამჭერებთან ერთად აქციას მართავენ. აქცია მიმდინარეობს დედაქალაქშიც.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 24.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
„მაკდონალდსის“ ინვესტიციით საქართველოში პურ-ფუნთუშეულის საწარმო „ბრედფილდი“ იხსნება
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა