მეგობრებო, ბიჭებო, არ შეასრულოთ უკანონო, პარტიული დავალება - ჩვენ მშვიდობიანი მანიფესტანტები ვართ და თქვენ უკანონობას სჩადიხართ , - ამ სიტყვებით ცესკოს შენობასთან მობილიზებულ სამართალდამცავებს „ნაციონალური მოძრაობის“ წარმომადგენელმა ლევან ხაბეიშვილმა მიმართა.
ხაბეიშვილმა ასევე განაცხადა, რომ რუსი ოლიგარქი საქართველოში დამთავრებულია.
“ერთი რამ მინდა ვუთხრა პოლიციელებს, მათ შორის მათ, ვისაც ნიღბები და ჩაფხუტი აქვთ ჩამოფარებული: - მეგობრებო, თქვენ კარგად უნდა გესმოდეთ, რომ ჩვენ ვართ მშვიდობიანი მანიფესტანტები, რომელთაც ამ დრომდე უკანონო არაფერი ჩაგვიდენია. თქვენ ბიძინა ივანიშვილისა და „ქართული ოცნების“ დავალებას ასრულებთ. თქვენ იცავთ ქვეშაფსია ირაკლი კობახიძეს - ლაჩარს და ზუნტყლიანს. მთავარია არა ის, რას იტყვის ივანიშვილი და კობახიძე, არამედ მთავარია რას ამბობს კანონი“, - მიმართა შსს-ს თანამშრომლებს ლევან ხაბეიშვილმა.