მაგისტრალური და საგარეუბნო მიმოსვლის მატარებლების გრაფიკი იცვლება. ამის შესახებ საქართველოს რკინიგზის მიერ გავრცელებულ განცხადებაშია აღნიშნული. ამასთან, მათი ცნობით, ვისაც უკვე აქვს ბილეთი შეძენილი, მისი დაბრუნება თანხის სრული ანაზღაურებით შეუძლია.

„როგორც მოგეხსენებათ, 9 ნოემბრიდან საქართველოს ყველა დიდ ქალაქში 22:00-დან დილის 05:00 საათამდე გადაადგილება იზღუდება. შეზღუდვა ვრცელდება როგორც ქვეითად, ისე სატრანსპორტო საშუალებით გადაადგილებაზე. სწორედ ამიტომ, საქართველოს რკინიგზა ცვლის მატარებლების მოძრაობის გრაფიკს. 9 ნოემბრიდან, მაგისტრალური და საგარეუბნო მიმოსვლის მატარებლების მოძრაობის განრიგი იხილეთ ქვემოთ მოცემულ ცხრილში. მათ კი ვისაც ადრე აქვთ მატარებლის ბილეთები შეძენილი და ვერ ახერხებენ ახალი განრიგის მიხედვით გამგზავრებას, ბილეთების დაბრუნება შეუძლიათ. საქართველოს რკინიგზა, თანხის სრულად დაბრუნებას უზრუნველყოფს“,- აღნიშნულია ინფორმაციაში.