ბათუმში, აქციის მონაწილეები 22:00 საათის შემდეგ დაშლას არ აპირებენ

აჭარის მთავრობის სახლთან ოპოზიციური პარტიების ლიდერებმა პროტესტის გაგრძელებასთან დაკავშირებით, ერთობლივი განცხადება გაავრცელეს.

როგორც "ერთიანი ნაციონალური მოძრაობის" წევრი მირდატ ქამადაძე აცხადებს, ისინი 22:00 საათის შემდეგ დაშლას არ აპირებენ.

მირდატ ქამადაძის თქმით, გადაწყვეტილება აქციის მონაწილეებმა ინდივიდუალურად უნდა მიიღონ.

მისივე თქმით, თუ ხელისუფლების მიერ დაწესებულ შეზღუდვას დაემორჩილებიან, მმართველი გუნდი რეგულაციებს უფრო გაამკაცრებს.

"მადლობა ამ მხნედ დგომისთვის და გაუტეხელობისთვის. როგორც ვიცით, ჩვენს თავისუფლებისთვის ბრძოლას, იმ მოპარული არჩევნების წინააღმდეგ ბრძოლას ხელისუფლებამ 1000 უკანონო მეთოდი დაუპირისპირა. მათ შორის ერთ-ერთი არის 22:00 საათზე შემოღებული "კომენდანტის საათი", რომელიც წმინდა პოლიტიკური გადაწყვეტილებაა და მას არა აქვს, კოვიდთან ბრძოლაში კავშირი.

ამ გადაწყვეტილების მიმღებ ადამიანებს, არცერთ მათგანს არ განუმარტავს საქართველოს მოქალაქეებისთვის რატომ უზღუდავენ ფუნდამენტურ უფლებას. თუ კოვიდი გუშინ 22:00 საათის შემდეგ არ იყო საშიში დღეს, რატომ ხდება საშიში? აქედან გამომდინარე, ჩვენ გუშინაც და დღესაც არაერთხელ გავაკეთეთ განცხადება, რომ პირადად მე ამ პოლიტიკურ გადაწყვეტილებას არ ვემორჩილები და ვაპირებთ დღეს 22:00 საათის შემდეგაც აქ ვიყოთ. გადაწყვეტილება საკოორდინაციო საბჭომ მიიღო. ინდივიდუალურად ყველა პოლიტიკური პარტიის წარმომადგენელი და ბევრი ადამიანი, ამ განწყობით რჩება და არ ემორჩილება.

თითოეული ჩვენგანი თავისუფლებისთვის ვიბრძვით, თუ თქვენი გადაწყვეტილებით ზიანი არ ადგება სხვას - არა აქვს უფლება ჩაერისო თქვენს გადაწყვეტილებაში, აქედან გამომდინარე არც ხელისუფლებას აქვს უფლება ჩაერიოს - როდის შეხვალთ სახლში ან გამოხვალთ.

არც მე მივცემ უფლებას საკუთარ თავს, რომ მოგიწოდოთ დარჩეთ აქ თუ წახვიდეთ, ეს გადაწყვეტილება ინდივიდუალურად უნდა მივიღოთ.

მართალია ჯარიმა მაღალია - 2000 ლარიანი, მაგრამ თავისუფლება უფრო ძვირია, თუ ჩვენ დავთმობთ თავისუფლებას აუცილებლად დაგვიწესებენ დიდ რეგულაციებს", - განაცხადა ქამადაძემ.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს