შიდა ქართლში, ბოლო 24 საათში გამოვლენილი 105 ახალი შემთხვევის შედეგად, რეგიონში დადასტურებულ შემთხვევათა საერთო რაოდენობა 1619-მდე გაიზარდა. რაც შეეხება გამოჯანმრთელებულებს, ბოლო დღე-ღამის განმავლობაში, შიდა ქართლში 54 პირი გამოჯანმრთელდა. შიდა ქართლის გუბერნატორის მოვალეობის შემსრულებლის, სიმონ გულედანის ინფორმაციით, რეგიონში ინფიცირებულთაგან 767 პირი მკურნალობას გადის ბინაზე, დანარჩენი პაციენტები კი კოვიდკლინიკებში არიან მოთავსებულები.
,,ბოლო 24 საათის განმავლობაში გაგზავნილი იყო 344 ნიმუში. სამწუხაროდ, დღესაც გვაქვს დადასტურებული შემთხვევევები - 105 ადამიანს დაუდასტურდა კოვიდინფექცია. მათგან ნაწილი ინფიცირებულთან კონტაქტში მყოფი პირია, დანარჩენებზე კი მიმდინარეობს ეპიდკვლევები. მთლიანობაში, რეგიონში, დადასტურებულ შემთხვევათა საერთო რაოდენობა 1619-მდე გაიზარდა. რაც შეეხება გამოჯანმრთელებულებს, ბოლო დღე-ღამის განმავლობაში, შიდა ქართლში კიდევ 54 პირი გამოჯანმრთელდა. თვითიზოლაცია მოეხსნა 116 ადამიანს. ამჟამად, თვითიზოლაციაში რჩება 1584 პირი", - განაცხადა სიმონ გულედანმა.