ოკუპირებულ აფხაზეთში კორონავირუსის 59 ახალი შემთხვევა გამოვლინდა და 1 ადამიანი გარდაიცვალა
ოკუპირებულ აფხაზეთში, ბოლო დღე-ღამის განმავლობაში კორონავირუსის 59 ახალი შემთხვევა გამოვლინდა, - ამის შესახებ ე.წ. ოპერატიული შტაბი იუწყება.
მათივე ინფორმაციით, კორონავირუსზე ტესტირება 300 ადამიანს ჩაუტარდა და აქედან ვირუსი 59-ს დაუდასტურდა.
ამასთან, რეგიონში ვირუსს კიდევ 1 ადამიანის სიცოცხლე ემსხვერპლა.
დე-ფაქტო ხელისუფლების ინფორმაციით, ოკუპირებულ აფხაზეთში, საერთო ჯამში, კორონავირუსის 4831 შემთხვევაა გამოვლენილი, აქედან 56 ადამიანი გარდაიცვალა, 3 061 კი- გამოჯანმრთელდა.
