თეთრიწყაროს მუნიციპალიტეტის 15 სოფლის წყალმომარაგებისთვის ახალი სისტემები აშენდება

გაერთიანებული წყალმომარაგების კომპანია თეთრიწყაროს მუნიციპალიტეტში მასშტაბურ პროექტს განახორციელებს. როგორც „ინტერპრესნიუსს"გაერთიანებული წყალმომარაგების კომპანიიდან აცნობეს, მიმდინარეობს ტენდერი სოფლების: მაწევანის, გოლთეთის, წინწყაროს, დიდი დურნუკის, პატარა დურნუკის, ქოთიშის, ხაიშის, ქოსალარის, ტბისის, ფარცხისის, საღრაშენის, არდისუბანის, ენაგეთის, შავსაყდარისა და ასურეთის წყალმომარაგების სისტემის მოწყობის საპროექტო - სამშენებლო სამუშაოებზე.

„მიმდინარე ტენდერზე წინადადებების მიღება 24 ნოემბერს დასრულდება.

პროექტის სავარაუდო ღირებულება 64 მილიონ ლარზე მეტია.

დღეის მდგომარეობით აღნიშნული სოფლების მოსახლეობას წყალი გრაფიკით მიეწოდება, არსებული წყლის სისტემის დიდი ნაწილი მოძველებული და ამორტიზებულია.

პროექტით გათვლისწინებულია წყალმომარაგების ქსელების, მაგისტრალების, სათავე ნაგებობების, სატუმბო სადგურის, რეზერვუარის, კორპუსების შიდა სისტემის მოწყობა და გამრიცხველიანება.

ტენდერში გამარჯვებულმა კომპანიამ საპროექტო-სამშენებლო სამუშაოები დაახლოებით 47 თვეში უნდა დაასრულოს.

შედეგად, 15 სოფელში 8 000-მდე ადამიანს 24 საათიანი, ხარისხიანი წყალმომარაგება ექნება",-აღნიშნულია ინფორმაციაში.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 23.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო