ბათუმში 79-ე საოლქო საარჩევნო კომისიაში შემაჯამებელი ოქმის შედგენა აქციის ფონზე მიმდინარეობდა, რომელსაც ოპოზიციის წარმომადგენლები მართავდნენ.
სხდომა პარტია „ევროპული საქართველოს" და "ერთიანი ნაციონალური მოძრაობის" წარმომადგენლებმა პროტესტის ნიშნად დატოვეს. მათი თქმით, არჩევნები გაყალბებულია, რასაც 79-ე ოლქის თავმჯდომარე ციალა შავაძე უსაფუძვლოს უწოდებს და აცხადებს, რომ ოქმში მხოლოდ ტექნიკური ხარვეზები იყო, რაც გამოსწორდა. ციალა შავაძის თქმით, საჩივრების უმრავლესობა საფუძველს მოკლებული იყო.