აჭარის მთავრობის სახლთან ოპოზიციური პარტიების ლიდერებმა და მხარდამჭერებმა საპროტესტო აქცია განაახლეს
აჭარის მთავრობის სახლთან ოპოზიციური პარტიების ლიდერებმა და მხარდამჭერებმა საპროტესტო აქცია განაახლეს.
როგორც აქციის ორგანიზატორები აცხადებენ, ისინი დაშლას არ აპირებენ, რადგან მიაჩნიათ, რომ ქვეყანაში საპარლამენტო არჩევნები გაყალბდა.
აქციის მონაწილეები ხელახალი საპარლამენტო არჩევნების ჩატარებას და ცესკოს თავმჯდომარის თამარ ჟვანიას თანამდებობიდან გადადგომას ითხოვენ. მათი თქმით, არჩევნების გაყალბებაში ბიძინა ივანიშვილთან ერთად, თამარ ჟვანიას დიდი წვლილი მიუძღვის.
„დიახ, ვდგავართ ქუჩაში და უკეთეს - თავისუფალ საქართველოს ავაშენებთ. თქვენ, ახალგაზრდები ძლიერ და უკეთეს საქართველოს შექმნით და ამას ვერავინ შეაჩერებს.
ბევრისთვის გაყალბებული არჩევნები მხოლოდ პოლიტიკოსის სანერვიულოა, სინამდვილეში იგი ჩვენს ქვეყანას ანადგურებს“, - განაცხადა კობა ხაბაზმა სიტყვით გამოსვლისას.
ცნობისთვის, ბათუმში, ოპოზიციის წევრები კვირას მასშტაბურ აქციას აანონსებენ.
v-if="article.gallery" v-html="article.gallery"
