„გორმედმა" კოვიდინფიცირებული პაციენტების სამკურნალოდ, გორის საუნივერსიტეტო კლინიკაში დამატებითი საწოლფონდი გამოყო

ინფიცირების მაღალი მაჩვენებლისა და არსებული ეპიდვითარების ფონზე, „გორმედმა" კოვიდინფიცირებული პაციენტების სამკურნალოდ, გორის საუნივერსიტეტო კლინიკაში დამატებითი საწოლფონდი გამოყო.

დღეის მდგომარეობით, სამედიცინო ქსელ ,,გორმედს", გორისა და ხაშურის კოვიდკლინიკებში, 176 პაციენტის მიღება შეუძლია (გორში - 86, ხაშურში - 90).

,,გორმედის" ადმინისტრაციის ინფორმაციით, ამ დროისთვის, კოვიდკლინიკების საწოლფონდი სრულადაა ათვისებული. ინფიცირებულთაგან 12 პაციენტის მდგომარეობა მძიმეა. გორის კოვიდკლინიკაში 4 პაციენტი მართვით სუნთქვაზეა, ხაშურის კლინიკაში კი, მართვითი სუნთქვის აპარატზეა 8 პირი.

გარდაიცვალა კორონავირუსით ინფიცირებული ორი პაციენტი, 81 და 86 წლის ასაკის.

„გორმედის" ქსელის გორისა და ქარელის კლინიკები არაინფექციური პაციენტებისთვის სამედიცინო სერვისების უწყვეტობას ჩვეულ რეჟიმში აგრძელებენ.

„,გორმედის" გორის საუნივერსიტეტო კლინიკაში სხვა ამბულატორიული თუ სტაციონარული სერვისების მიწოდება პაციენტების მკაცრი ზონირების დაცვით გრძელდება. ინფიცირებული და არაინფიცირებული პაციენტების უსაფრთხო ტრიაჟისთვის სამედიცინო ცენტრში გამოყოფილია დამოუკიდებელი შესასვლელები, საოპერაციო ბლოკები და ერთმანეთისგან გამიჯნული საპალატე სივრცეები", - აცხადებენ სამედიცინო ქსელის ადმინისტრაციაში.

შეგახსენებთ, ბოლო დღე-ღამის განმავლობაში, საქართველოში გამოვლენილია ინფიცირების 3 473 ახალი დადასტურებული შემთხვევა. კორონავირუსით 37 ადამიანი გარდაიცვალა.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!