დავით ერემეიშვილი - მალე ქუთაისელებს ახალი მუნიციპალური ტრანსპორტი მოემსახურება

ქუთაისში ახალი მუნიციპალური ტრანსპორტის ავტოპარკის მოწყობა მიმდინარეობს.

როგორც „ინტერპრესნიუსს“ ქუთაისის მერიიდან აცნობეს, თანამედროვე სტანდარტების შესაბამისი ავტოპარკი სულხან-საბას გამზირზე შენდება, სადაც ერთდროულად 60 ავტობუსი განთავსდება. ამ ეტაპზე ტერიტორიაზე ბეტონის დასხმა მიმდინარეობს.

სამუშაოები ქუთაისის მერის მოვალეობის შემსრულებელმა დავით ერემეიშვილმა, მერიის კეთილმოწყობისა და ინფრასტრუქტურის სამსახურის უფროსთან ბექა ყურაშვილთან ერთად დაათვალიერა.

„ქუთაისს მუნიციპალური ავტოპარკი ათწლეულებია არ ჰქონია. ახალი, თანამედროვე, კომფორტული ავტობუსები ჩვენი ქალაქისთვის უკვე შეძენილია. მალე დასრულდება ავტოპარკის მშენებლობაც და ქუთაისის ქუჩებში ახალი საზოგადოებრივი ტრანსპორტი მოემსახურება ჩვენს მოქალაქეებს”, - განაცხადა დავით ერემეიშვილმა.

სამუშაოებს ტენდერში გამარჯვებული ფირმა „სქაი ჰაუსი“ ასრულებს, რისთვისაც 2 643 000 ლარი იხარჯება. მუნიციპალური ტრანსპორტის ავტოპარკი ავტობუსების პირველ ნაკადს თვის ბოლოს მიიღებს.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 25.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
საპენსიო სააგენტოს დირექტორის მოადგილე ანა კეკელიძე - საპენსიო სააგენტოს ამოცანას წარმოადგენს საერთაშორისო სტანდარტების შესაბამისი მომსახურების დანერგვა
"ლიბერთი ბანკი" სპეციალურ განცხადებას ავრცელებს
აჭარის ავტონომიური რესპუბლიკის ფინანსთა და ეკონომიკის მინისტრი და "ტოიოტა კავკასიის" პრეზიდენტი "ტოიოტა ცენტრ ბათუმს" ესტუმრნენ
Hotsale.ge-ის აქცია - დამატებით 20%-მდე დანაზოგი ტექნიკასა და სასტუმროებზე „კრედო  ბანკის“ განვადებით სარგებლობისას
ქობულეთში შატოს ტიპის ახალი კომპლექსი „შატო კვირიკე“ გაიხსნა
„მაკდონალდსის“ ინვესტიციით საქართველოში პურ-ფუნთუშეულის საწარმო „ბრედფილდი“ იხსნება