ცენტრალურ საარჩევნო კომისიაში შემაჯამებელი ოქმების განხილვა ხმაურის ფონზე მიმდინარეობს.

ოპოზიციის წარმომადგენლები მოითხოვენ, რომ ოქმები ბათილად ცნონ.

ისინი მიიჩნევენ, რომ არჩევნები გაყალბდა და მმართველმა გუნდმა ოპოზიციის ხმები მიითვისა.

გარდა ამისა, დღევანდელ სხდომაზე ოპოზიციამ კიდევ ერთხელ მოუწოდა ცესკო-ს თავმჯდომარეს, თამარ ჟვანიას თანამდებობის დატოვებისკენ.

სხდომის პარალელურად კი, სამოქალაქო აქტივისტები ცესკო-ს მიმდებარე ტერიტორიაზე აქციას მართავენ. ადგილზე მობილიზებულია პოლიცია.