აჭარის უმაღლესმა საარჩევნო კომისიამ 31 ოქტომბრის არჩევნების შემაჯამებელი ოქმი ხმაურის ფონზე მიიღო

აჭარის უმაღლესმა საარჩევნო კომისიამ 31 ოქტომბრის არჩევნების შემაჯამებელი ოქმი ხმაურის ფონზე მიიღო.

როგორც უსკო-ს თავმჯდომარე პარმენ ჯალაღონია აცხადებს, უმაღლესმა საარჩევნო კომისიამ კანონის დაცვით იმუშავა და ოპოზიციის მხრიდან წაყენებული ბრალდებებს კი უსაფუძვლოს უწოდებს.

„მესმის, რომ ყველა ადამიანს აქვს პროტესტის და სიტყვის გამოხატვის თავისუფლება, მე ვერ შევალ პოლიტიკურ შეფასებებში, მხოლოდ ის შემიძლია გითხრათ, რომ უმაღლეს საარჩევნო კომისიაში არ შემოსულა არც ერთი საჩივარი შემაჯამებელ ოქმებთან დაკავშირებით და ვერ მოხდებოდა იმის განხილვა, რაც ბუნებაში არ არსებობს“, - განაცხადა პარმენ ჯალაღონიამ.

თავის მხრივ, „ერთიანი ნაციონალური მოძრაობის" წევრი გიორგი კირთაძე აცხადებს, რომ უსკო-მ გაყალბებული შემაჯამებელი ოქმი მიიღო, რითაც ქობულეთის მაჟორიტარ დეპუტატს „ქართული ოცნებიდან" 22 ხმით გაამარჯვებინა.

გიორგი კირთაძის თქმით, ოპოზიცია ხელახალი არჩევნების ჩატარების მიზნით აქციებს კვლავ გააგრძელებს.

ცნობისთვის, უმაღლესმა საარჩევნო კომისიამ 21 ნოემბერს არჩევნების მეორე ტური ჩანიშნა. მეორე ტური ხულო, ქედა, შუახევსა და ბათუმში გაიმართება.

პირველ ტურში ბარიერი ორმა პარტიამ გადალახა. არჩევმების მეორე ტურში მონაწილეობაზე "ერთიანი ნაციონალური მოძრაობა" უარს აცხადებს.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა