ოკუპირებულ ე.წ. სამხრეთ ოსეთში კორონავირუსით დაინფიცირებული 173 პაციენტი მკურნალობს, მათ შორის ე.წ. რესპუბლიკურ სამედიცინო ცენტრში 36, ხოლო ბავშვთა საავადმყოფოში 136 პაციენტია მოთავსებული. ბოლო 24 საათში 20 პაციენტი გაეწერა.

ბოლო მონაცემებით, გასული დღე-ღამის განმავლობაში, დაინფიცირების 9 ახალი შემთხვევა გამოვლინდა. რეანიმაციულ განყოფილებაში 11 პაციენტი მკურნალობს, რომელთაგან ორის მდგომარეობა მძიმეა.

დე ფაქტო რესპუბლიკის მონაცემებით, გასული დღე-ღამის განმავლობაში გარდაცვალების ერთი შემთხვევა დაფიქსირდა.