ირაკლი კუპრაძე - ჩვენი მიზანია შევქმნათ ოპოზიციური ერთობა, რომელიც არ იქნება ბელადებზე დამყარებული

ჩვენ ვხედავთ, რომ რიგი გუნდები არღვევენ ოპოზიციური ფორმატის შეთანხმებებს, რაც მიუღებელია, - ამის შესახებ პოლიტიკური მოძრაობა "ლელოს" აჭარის ორგანიზაციის ლიდერმა ირაკლი კუპრაძემ ბრიფინგზე განაცხადა.

იგი, დღეს ბათუმში ოპოზიციის მიერ ორგანიზებულ აქციას გამოეხმაურა, რომელიც "ლელოს" წევრებმა პროტესტის ნიშნად დატოვეს.

"ლელო საქართველოსთვის" გუნდი აფიქსირებს ცალსახა პოზიციას, რომ „ლელო“ დგას ბიძინა ივანიშვილის წინააღმდეგ ბრძოლის ავანგარდში - ის ორი ძირითადი მოთხოვნა, რომელიც ეხება ახალი არჩევნების დანიშვნას და რომელიც ეხება ცენტრალური საარჩევნო კომისიის გათავისუფლებას ივანიშვილის მარწუხებისგან და ჟვანიას გავლენებისგან. ჩვენ ამ ბრძოლაში ვიქნებით უპრეცედენტოდ პრინციპულები და ცალსახად გავაგრძელებთ ბრძოლას ოპოზიციურ ერთობასთან ერთად. თუმცა, ყველაფრის მიუხედავად, ჩვენ ვხედავთ, რომ რიგი გუნდები არღვევენ ოპოზიციური ფორმატის შეთანხმებებს. ამ ოპოზიციური შეთანხმების დარღვევა არის მიუღებელი, რომელიც ეწინააღმდეგება მთავარ მიზანს, და მიზანი არის ახალი არჩევნები, ცესკოს გათავისუფლება და ივანიშვილის სახლში გაშვება. ჩვენ ვაპირებთ, რომ ბრძოლა გავაგრძელოთ ოპოზიციურ ერთობასთან ერთად, რომელიც არის უპრეცედენტოდ ერთიანი. ჩვენი მთავარი პრინციპია ის, რომ არ ვაპირებთ პარტიულ ღონისძიებებში და პარტიულ აქციებში მონაწილეობის მიღებას. ერთი პარტია ვერ იქნება ის გუნდი, რომელიც ხელის გადაგრეხვის პოლიტიკით დაგველაპარაკება ჩვენ, დამოუკიდებელ პოლიტიკურ გუნდებს. ჩვენი მიზანია შევქმნათ ისეთი ოპოზიციური ერთობა, რომელიც არ იქნება ბელადებზე დამყარებული. მოვუწოდებთ ყველა ოპოზიციურ პარტიასა და გუნდს, რომ კონცენტრირება მოვახდინოთ ივანიშვილის წინააღმდეგ ბრძოლაზე",- განაცხადა ირაკლი კუპრაძემ.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით