დავით ბაქრაძე - აშშ-სა და საქართველოს შორის სტრატეგიული პარტნიორობა უმაღლეს ნიშნულზეა და სწორედ ამის დასტურია მაიკ პომპეოს ვიზიტი

ამერიკის შეერთებულ შტატებში საქართველოს ელჩის, დავით ბაქრაძის განცხადებით, სახელმწიფო მდივნის მაიკ პომპეოს ვიზიტი არის კიდევ ერთი დასტური იმისა, რომ ამერიკის შეერთებული შტატებსა და საქართველოს შორის სტრატეგიული პარტნიორობა არის უმაღლეს ნიშნულზე. ელჩის განმარტებით, საქართველო ამერიკის შეერთებულ შტატებთან ყველა მიმართულებით აღრმავებს სტრატეგიულ ურთიერთობებს და ასე გაგრძელდება მომავალშიც.

„ის უმაღლესი დონის შეხვედრები, რომელიც სახელმწიფო მდივანს ექნება საქართველოში, რასაკვირველია იქნება მიძღვნილი ჩვენი სტრატეგიული პარტნიორობის ყველა მიმართულების კიდევ უფრო გაღრმავებისკენ. წლების განმავლობაში ჩვენ მივიღეთ ამერიკის შეერთებული შტატებისგან ძლიერი მხარდაჭერა ქვეყნის ტერიტორიული მთლიანობისა და არაღიარების პოლიტიკის მიმართულებით, საქართველოს ევრო-ატლანტიკური ინტეგრაციის და ქვეყნის განვითარების მიმართულებით, აქედან გამომდინარე, ეს იქნება კიდევ ერთი ძლიერი გზავნილი, რომელსაც სახელმწიფო მდივანი ჩამოიტანს საქართველოში. ჩვენ ვაღრმავებთ ჩვენს ურთიერთობებს სტრატეგიული პარტნიორობის ყველა მიმართულებით, იქნება ეს თავდაცვისა და უსაფრთხოების, ეკონომიკური, სავაჭრო , დემოკრატიის თუ სხვა მიმართულებით და რასაკვირველია ეს ვიზიტიც არის კიდევ ერთი დასტური იმისა, რომ ამ ურთიერთობის აღმავალი ტრაექტორია გაგრძელდება“-განაცხადა დავით ბაქრაძემ .

ამერიკის სახელმწიფო მდივანი მაიკ პომპეო საქართველოს 17-18 ნოემბერს ეწვევა.

აღნიშნულ ინფორმაციას საქართველოს საგარეო საქმეთა სამინისტრო ავრცელებს.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)