ჩვენი დასავლელი პარტნიორების მონაწილეობით უნდა ვაიძულოთ „ქართული ოცნება“, რომ კონკრეტული ნაბიჯები გადადგან“, - ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა.

მისი თქმით, ხელისუფლებასა და ოპოზიციას შორის დიალოგს პერსპექტივა აქვს.

„მე ვფიქრობ, რომ დიალოგს პერსპექტივა აქვს. ეს ჯერ შეიძლება ძალიან სუმბურულად ჩანდეს, მაგრამ აუცილებლად იქნება იმიტომ, რომ ჩვენი დასავლელი პარტნიორების მონაწილეობით ჩვენ უნდა ვაიძულოთ „ქართული ოცნება“, რომ კონკრეტული ნაბიჯები გადადგან. ჩვენ შეიძლება მაქსიმუმ ხელახალი არჩევნების ნაცვლად, რიგგარეშე არჩევნები განვიხილოთ. ხელისუფლება უნდა მოეკიდოს პასუხისმგებლობით. დარწმუნებული ვარ, არაადეკვატური პოზიციები, რაც აქვთ, ძალიან სწრაფად შეიცვლება, რადგან ასე ხისტად მიდგომის შემთხვევაში თვითონ „ქართული ოცნება“ იწვევს ღრმა პოლიტიკურ კრიზისს“, - განაცხადა ვაშაძემ.