რუსთავის ცენტრალურმა საავადმყოფომ კორონავირუსით ინფიცირებული პაციენტების მიღება დაიწყო. საავადმყოფოს ბაზაზე გახსნილ კოვიდმიმღებ კლინიკაში, დღეისათვის 60 პაციენტი გადის მკურნალობის კურსს.
როგორც ,,ინტერპრესნიუსთან“ საუბარში კლინიკის დირექტორმა პაპუნა ბახტაძემ განაცხადა, 60 პაციენტიდან 50 თერაპიულ განყოფილებაშია მოთავსებული, 10-ის მდგომარეობა მძიმეა და ხელოვნური სუნთქვის აპარატზე იმყოფება.
გასული დღე-ღამის განმავლობაში ცენტრალური საავადმყოფოს ცხელების ცენტრში, კორონავირუსით ინფიცირების 17 დადასტურებული შემთხვევა გამოვლინდა, მათგან 7 ცენტრალური საავადმყოფოს მედპერსონალია.
პაპუნა ბახტაძის განცხადებით, ინფიცირებულ მედპერსონალს ,,კოვიდ 19“-ის მსუბუქი ფორმა აქვს და მკურნალობას სახლში გადის.
კორონავირუსით ინფიცირების 7 დადასტურებული შემთხვევა გამოვლინდა ბოლო 24 საათში კლინიკა ,,რუსთავის“ ცხელების ზონაში.