ცხინვალის ოკუპირებული რეგიონის ე.წ. „პრეზიდენტი“ ანატოლი ბიბილოვი „სამუშაო ვიზიტით“ რუსეთის ფედერაციაში იმყოფება, - ამის შესახებ ინფორმაციას ადგილობრივი მედია ბიბილოვის „პრესსამსახურზე“ დაყრდნობით ავრცელებს.
„მოსკოვში ანატოლი ბიბილოვი ოფიციალურ პირებთან შეხვედრებს გამართავს. შეხვედრების დროს მხარეები ისაუბრებენ სამხრეთ ოსეთის რესპუბლიკასა და რუსეთის ფედერაციას შორის სოციალურ-ეკონომიკური თანამშრომლობის საკითხებზე, ასევე კორონავირუსის ინფექციის წინააღმდეგ ბრძოლასთან დაკავშირებულ ურთიერთობებზე,“- აცხადებენ ბიბილოვის „პრესსამსახურში“.
შეგახსენებთ, რამდენიმე დღის წინ რუსეთის პრეზიდენტი ვლადიმერ პუტინი ოკუპირებული აფხაზეთის დე ფაქტო პრეზიდენტს ასლან ბჟანიას სოჭში შეხვდა. მედიის ინფორმაციით, შეხვედრა სამ საათს გაგრძელდა.