ზვიად შალამბერიძემ მუნიციპალიტეტების ხელმძღვანელებთან 2021 წლის ინფრასტრუქტურული პროექტების სამოქმედო გეგმაში შესატანი ცვლილებები განიხილა

იმერეთში სახელმწიფო რწმუნებულმა ზვიად შალამბერიძემ რეგიონის მერებთან და საკრებულოს თავმჯდომარეებთან 2021 წლის ინფრასტრუქტურული პროექტების სამოქმედო გეგმაში შესატანი ცვლილებები განიხილა, შეხვედრა ვიდეოკონფერენციის ფორმატში გაიმართა.

იმერეთში სახელმწიფო რწმუნებულის პრესსამსახურის ინფორმაციით, 9 მუნიციპალიტეტმა - ქუთაისი, საჩხერე, ბაღდათი, ხარაგაული, ზესტაფონი, ტყიბული, ჭიათურა, წყალტუბო, ხონი, სახელმწიფო რწმუნებულთან არსებულ სამხარეო საკონსულტაციო საბჭოს ცვლილებების შეტანის თხოვნით მიმართა.

სახელმწიფო რწმუნებულთან არსებული სამხარეო საკონსულტაციო საბჭოს სხდომის წევრებმა წარმოდგენილ ყველა პროექტს დაუჭირეს მხარი.

„ვიდეოკონფერენციის ფორმატში თითოეული მუნიციპალიტეტის წარმომადგენლისგან მოვისმინე ინფორმაცია, ინფრასტრუქტურულ პროექტებში ცვლილებების შეტანის შესახებ. დეტალურად გავიარეთ ცვლილებების შეტანის აუცილებლობა და ბიუჯეტი. ძირითადად ცვლილებები განხორციელდა შემდეგი მიმართულებებით: საგზაო ინფრასტრუქტურის მოწესრიგება, მრავალსართულიანი სახლების ეზოებისა და სადარბაზოების კეთილმოწყობა, დასასვენებელი სკვერებისა და სპორტული მოედნების რეაბილიტაცია, სანიაღვრე სისტემის მოწყობა, ამორტიზებული ხიდების აღდგენა და საბავშვო ბაღების რეაბილიტაცია. საბჭოს გადაწყვეტილებით რეგიონის მასშტაბით 247 პროექტში შევიდა ცვლილება, რომელთა საერთო ღირებულებაა 97 294 244 ლარი", - განაცხადა ზვიად შალამბერიძემ.

მხარის რწმუნებულმა ასევე რეგიონში არსებულ ეპიდემიოლოგიური მდგომარეობასა და მართვის პროცესზე დეტალურად ისაუბრა, განიხილა საჭიროებები და მუნიციპალიტეტებს კოვიდის მართვის პროცესში არსებული გამოწვევების ოპერატიულ რეჟიმში გადაჭრის მიზნით შესაბამისი დავალებები მისცა.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში