„საქნახშირის" წარმომადგენლის განცხადებით, კომპანია ყველაფერს გააკეთებს იმისთვის, რომ ინფიცირებულმა ადამიანებმა თავი იგრძნონ კარგად

„საქნახშირში“კორონავირუსული ინფექციის დაფიქსირების გამო საწარმოო პროცესი შეჩერდა. როგორც კომპანიის საზოგადოებასთან ურთიერთობის განყოფილების უფროსმა გვანცა დელიბაშვილმა „პალიტრანიუსის“ გადაცემა „პოლიტნიუსში“ განმარტა, კომპანია ყველაფერს გააკეთებს იმისთვის, რომ ინფიცირებულმა ადამიანებმა თავი იგრძნონ კარგად.

„ხელფასების საკითხზე, ალბათ, ჯობს უფრო მოგვიანებით ვისაუბროთ, რადგან ცოტა ხნის წინ ჩვენი თანამშრომლები გადავიდნენ გამომუშავებზე, შესაბამისად, ჯობს, რომ ამ თემაზე მოგვიანებით ვისაუბროთ, რათა უფრო დაზუსტებული პასუხი მოგცეთ. თუმცა, კომპანია ყველაფერს გააკეთებს იმისთვის, რომ ამ ადამიანებმა თავი იგრძნონ კარგად და არაფერი მოაკლდეთ. ისეთ ცვლილებები გატარდა „საქნახშირში“, რომ საბოლოოდ, ორივე მხარე იყო ძალიან კმაყოფილი, მაგრამ სამწუხაროა, რომ ასეთი ვითარება დაემთხვა“, - განაცხადა დელიბაშვილმა.

მისივე განმარტებით, შახტებს, ისევე როგორც ადმინისტრაციული შენობას დეზინფექცია მუდამ უტარდებოდა და დაცული იყო ხელისუფლების მიერ დაწესებული ყველა მოთხოვნა. მისივე განმარტებით, ახლა კომპანია ყველაფერს აკეთებს იმისთვის, რომ ინფიცირებულები ქუთაისისა და წყალტუბოს კოვიდ სასტუმროებში განთავსდნენ.

„კომპანია ყველაფერს აკეთებს, რომ ინფიცირებულები განთავსდნენ კოვიდსასტუმროებში. ნაწილი ქუთაისის, ნაწილი კი წყალტუბოს კოვიდ სასტუმროში განთავსდება. ახლა უშუალოდ ამ პროცესებზე ვმუშაობთ, რომ ინფიცირებულების გადანაწილება და მათი ჯანმრთელობის მონიტორინგი მოვახდინოთ დროულად და სწორად. რეგულაციები მოქმედებდა იგივე, რაც თითქმის ყველგან უაშუალოდ შახტაში ჩამსვლელებისთვის, სახალხო ვაგონში თუ უნდა ჩამსხდარიყო 18-19 ადამიანი, შევამცირეთ ეს რაოდენობა 10-11 ადამიანამდე და მათი ხელმძღვანელები, რომლებიც მიჰყვებოდნენ შახტაში, ისინი უშუალოდ აკონტროლებდნენ, რომ მათ ახლო კონტაქტი არ ჰქონოდათ ერთმანეთთან. შახტაში მომუშავეების მიმართ იყო მოთხოვნა, რომ მათ ეტარებინათ პირბადე. აქვე უნდა ითქვას, რომ ყოველი ცვლის დაწყებისა და დასრულებისთანავე დეზინფექცია უტარდება სახალხო ვაგონებსაც, ლიფტსაც და იმ ადგილებსაც, სადაც ეს ადამიანები მუშაობენ, ტერიტორიაზე ვერავინ შედის დღემდე, თუ არა გაიარა თერმოსკრინინგი. ჩვენ მივიჩნევთ, რომ მაქსიმალურად ვეცადეთ და იმედი გვაქვს, რომ ამის იქით საქმე არ წავა,“- განაცხადა გვანცა დელიბაშვილმა.

შეგახსენებთ, რომ საქნახშირმა“ საწარმოო პროცესი შეაჩერა. როგორც კომპანიის მიერ გავრცელებულ განცხადებაშია აღნიშნული, „საქნახშირში“ დასაქმებულ 144 ადამიანს კორონავირუსი დაუდასტურდა.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 03.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა