მეტროსადგურ „რუსთაველის” მიმდებარე ტერიტორიაზე „ევროპული საქართველოს” ლიდერები და მათი მხარდამჭერები იკრიბებიან.
აქციის მონაწილეები აშშ-ის სახელმწიფო მდივნის მაიკ პომპეოს ვიზიტის პარალელურად მდუმარე აქციას გამართავენ.
პარტიის წევრის, ირაკლი აბესაძის განცხადებით, დღევანდელი მდუმარე აქციის მიზანია საზოგადოებამ და საერთაშორისო პარტნიორებმა დაინახონ, რომ საქართველოში არჩევნები გაყალბდა.
„დღეს ქართული საზოგადოება ჩვენს საერთაშორისო პარტნიორებს და საზოგადოებას კიდევ ერთხელ დაანახებს, რომ არავინ აპირებს შეეგუოს არჩევნების გაყალბებას და სახელმწიფოს მიტაცებას, ეკონომიკის ჩამოშლას, ადამიანის გაღარიბებას და ზოგადად, ამ ქვეყანაში პუტინის რუსეთის ოცნების ასრულებას, რასაც სამწუხაროდ ემსახურება “ქართული ოცნების” ხელისუფლება”,- განაცხადა აბესაძემ.
