დავით ზალკალიანი - ამერიკის წამყვანი როლის გარეშე ძალიან გაგვიჭირდება ნატო-ში ინტეგრაციის პერიოდის ახალი ტემპით წარმართვა

საგარეო საქმეთა მინისტრის დავით ზალკალიანის განცხადებით, კონკრეტული მაგალითებით დასტურდება, რომ საქართველოს ამერიკის შეერთებული შტატების ამჟამინდელ ადმინისტრაციასთან თავდაცვისა და უსაფრთხოების სფეროში თანამშრომლობის უპრეცედენტო შედეგი აქვს.

როგორც ზალკალიანმა აშშ-ის სახელმწიფო მდივანთან მაიკ პომპეოსთან გამართული შეხვედრის შემდეგ ჟურნალისტებს განუცხადა, ამერიკის წამყვანი როლის გარეშე საქართველოს გაუჭირდება ნატო-ში ინტეგრაციის პერიოდის ახალი ტემპით წარმართვა.

„ვსაუბრობ კონკრეტული მაგალითებით და უდავოა, რომ ბოლო 4 წლის განმავლობაში ამჟამინდელ ადმინისტრაციასთან მართლაც უპრეცედენტო შედეგები აქვს საქართველოს თავდაცვისა და უსაფრთხოების მიმართულებით. ასევე თანამშრომლობა, რომელიც წინა ადმინისტრაციის პირობებში დაიწყო, 2016 წელს გაფორმებული თავდაცვისა და უსაფრთხოების მემორანდუმი და მისი წარმატებულად შესრულება, შემდეგ 2017 წელს თავდაცვის ახალი პროგრამის განხორციელება, ასევე აშშ-ის უპრეცედენტო წვრთნები საქართველოში, სადაც ჩვენს მთავარ სტრატეგიულ პარტნიორებთან, ნატოელებთან ერთად საქართველოს მნიშვნელოვანი ფუნქცია და როლი ჰქონდა, რამაც გააძლიერა ჩვენი თავსებადობა იმ სტანდარტებთან, ასევე ჩვენი კონტრიბუცია ავღანეთში. ამას ჩვენი პარტნიორები ძალიან აფასებენ.

ამერიკის წამყვანი როლის გარეშე ძალიან გაგვიჭირდება ნატო-ში ინტეგრაციის პერიოდის ახალი ტემპით წარმართვა, ამიტომ სწორედ ამაზე იყო საუბარი, რომ აუცილებელია დამატებითი იმპულსი მიეცეს ყველა ამ მიმართულებას. საუბარი იყო ეკონომიკის წინ წამოწევაზე და მათ შორის თავისუფალ ვაჭრობაზე, საქართველოში ამერიკული ინვესტიციების მოზიდვაზე, მეტი ამერიკული კომპანიის საქართველოში ხილვაზე. ყველაფერი ეს აძლიერებს ჩვენს მდგრადობას. აძლიერებს ჩვენს შესახლებლობას, რომ გავუმკლავდეთ იმ უმწავვეს გამოწვევებს, რომელიც რეგიონშია“,- განაცხადა ზალკალიანმა.

შეგახსენებთ, რომ აშშ-ის სახელმწიფო მდივანი მაიკ პომპეო საქართველოს გუშინ ეწვია. ის უკვე შეხვდა საქართველოს პრემიერ-მინისტრს გიორგი გახარიას, საგარეო საქმეთა მინისტრს დავით ზალკალიანს, პრეზიდენტს - სალომე ზურაბიშვილს და საქართველოს კათოლიკოს-პატრიარქს. პომპეო ასევე შეხვდება არასამთავრობო ორგანიზაციის წარმომადგენლებს.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!