„საქნახშირი“ - ორკვირიანი გაჩერების მიუხედავად, თანამშრომლებს შრომის ანაზღაურებას სრულად გადავუხდით

ორკვირიანი გაჩერების მიუხედავად, „საქნახშირი“ თანამშრომლებს შრომის ანაზღაურებას სრულად გადაუხდის.

ეპიდემიოლოგიური სიტუაციის მკვეთრად გაუარესების გამო, 2020 წლის 17 ნოემბერს “საქნახშირს“ მუშაობის შეჩერება მოუწია. კომპანიის ყველა თანამშრომელს PCR ტესტირება ჩაუტარდა, მათგან 144 ადამიანს Covid 19 დაუდასტურდა, რის შემდეგაც კომპანიის ხელმძღვანელობამ საკარანტინო ღონისძიებების გატარების გადაწყვეტილება მიიღო. ინფიცირებულები გადანაწილებულები არიან კოვიდ სასტუმროებში (საირმესა და წყალტუბოში), საწარმოს დანარჩენი თანამშრომლები კი გადასულები არიან თვითიზოლაციაში.

“სამუშაო პროცესის გაჩერების მიუხედავად, კომპანია თავის საკონტრაქტო ვალდებულებების შესრულებას გარკვეული პერიოდით მის საწყობებში არსებული მარაგების საშუალებით შეძლებს. რაც შეეხება შრომის ანაზღაურებას, მნიშვნელოვანი ფინანსური ზარალის მიუხედავად, რომელსაც საწარმო პანდემიითა და სამუშაოს შეჩერებით იღებს, კომპანია ითვალისწინებს მძიმე ეკონომიკურ ვითარებასა და თანამშრომელთა ფინანსურ მდგომარეობას, შესაბამისად, იღებს გადაწყვეტილებას, რომ ამ 14 დღის განმავლობაში დასაქმებულებს შრომის ანაზღაურებას სრულად გადაუხდის“, - აცხადებს კომპანია.

მათივე ცნობით, ორკვირიანი საკარანტინო პერიოდის გასვლის შემდეგ, განმეორებითი ტესტირება ჩატარდება, რომელიც კომპანიის ხელმძღვანელობას საშუალებას მისცემს მიიღონ გადაწყვეტილება მუშაობის განახლებასთან დაკავშირებით. სამუშაო პროცესის განახლების შემდეგ, საპატიო მიზეზის გარეშე გაცდენილი დღეები, შინაგანაწესის გათვალისწინებით, მიჩნეულ იქნება როგორც უსაფუძვლო გაცდენა.

“როგორც უკვე აღინიშნა, საწარმოს 14 დღიანი გაჩერებისა და რთული ფინანსური მდგომარეობის მიუხედავად, “საქნახშირი“ თანადგომას უცხადებს თანამშრომლებს, გაცდენილი დღეების მიუხედავად, ისინი სრულად მიიღებენ ანაზღაურებას. გარდა ამისა, ვირუსის გავრცელების პრევენციის მიზნით, კომპანია კატეგორიულად აფრთხილებს დასაქმებულებს, დაიცვან თვითიზოლაციის წესები და თავი შეიკავონ ნიებისმიერი ხასიათის თავშეყრისგან. იზოლაციის წესების დარღვევა შესაძლოა გახდეს დამრღვევის დისციპლინური პასუხისმგებლობის საფუძველი“, - აცხადებენ “საქნახშირში“.

ამასთან, კომპანიაში შეიქმნა სპეციალური ჯგუფი და ცხელი ხაზი, რომლის საშუალებითაც ხდება დასაქმებულების ჯანმრთელობის მდგომარეობის მუდმივი მონიტორინგი და მათთვის საჭირო ინფორმაციის მიწოდება (ცხელი ხაზი: 595 33 77 54; 595 33 77 40; 595 33 73 18).

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე