ნათია მეზვრიშვილი - სახელმწიფო მდივანმა უმნიშვნელოვანესი საკითხები გააჟღერა, რამაც კიდევ ერთხელ დაადასტურა, რომ საქართველოსა და აშშ-ს შორის პარტნიორობა უმაღლეს დონეზეა

სახელმწიფო მდივანმა უმნიშვნელოვანესი საკითხები გააჟღერა, რამაც კიდევ ერთხელ დაადასტურა, რომ საქართველოსა და აშშ-ს შორის პარტნიორობა უმაღლეს დონეზეა, - ამის შესახებ მთავრობის ადმინისტრაციის ხელმძღვანელმა ნათია მეზვრიშვილმა განაცხადა.

მისივე თქმით, აშშ-სა და საქართველოს შორის თანამშრომლობა სხვადასხვა კუთხით კიდევ უფრო გაღრმავდება.

„ეს მტკიცე, სტრატეგიული პარტნიორების შეხვედრა იყო. სახელმწიფო მდივანმა უმნიშვნელოვანესი საკითხები გააჟღერა, რამაც კიდევ ერთხელ დაადასტურა, რომ საქართველოსა და აშშ-ს შორის პარტნიორობა უმაღლეს დონეზეა. რეგიონებს შორის მიმდინარე პროცესების გათვალისწინებით საქართველოს პრემიერ-მინისტრმა ხაზი გაუსვა, რეგიონში აშშ-ის წარმომადგენლების გაძლიერებული მხარდაჭერის მნიშვნელობას. ხაზგასმით აღნიშნა, აშშ-ის როლი საქართველოს ტერიტორიული მთლიანობისა და სუვერენიტეტის მხარდაჭერის და აგრეთვე დემოკრატიის განვითარებისა და ინსტიტუტების გაძლიერების პროცესში. რა თქმა უნდა, აშშ-ის მტკიცე მხარდაჭერა განიხილა როგორც თავდაცვისა და უსაფრთხოების, ისე ეკონომიკის განვითარების მიმართულებით და კიდევ ერთხელ აღნიშნა, რამდენად მნიშვნელოვანია თითოეული ამ მიმართულებით თანამშრომლობის კიდევ უფრო გაღრმავება“, - განაცხადა მეზვრიშვილმა.

შეგახსენებთ, რომ აშშ-ის სახელმწიფო მდივანი მაიკ პომპეო საქართველოს გუშინ ეწვია. ის უკვე შეხვდა საქართველოს პრემიერ-მინისტრს გიორგი გახარიას, საგარეო საქმეთა მინისტრს დავით ზალკალიანს, პრეზიდენტს - სალომე ზურაბიშვილს და საქართველოს კათოლიკოს-პატრიარქს. პომპეო ასევე შეხვდა არასამთავრობო ორგანიზაციის წარმომადგენლებს.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს