ბათუმში, პორტის მიმდებარედ, ზღვაში მამაკაცის ცხედარი იპოვეს. როგორც საგანგებო სიტუაციების მართვის სამსახურში "ინტერპრესნიუსს" განუცხადეს, ცხედარი მყვინთავებმა ამოიყვანეს.
"არანაირი სამძებრო სამუშაოები არ მიმდინარეობდა. ზღვაში ცხედარი შენიშნეს და მოხდა მისი ამოყვანა. მიმდინარეობს იდენტიფიცირება",- აცხადებენ უწყებაში.
მომხდარის გამო, შემთხვევის ადგილზე ყველა შესაბამისი სამსახურების წარმომადგენლები არიან მობილიზებული.
შინაგან საქმეთა სამინისტროს ინფორმაციით, გამოძიება "სისხლის სამართლის კოდექსის" 115-ე მუხლით მიმდინარეობს, რაც თვითმკვლელობამდე მიყვანას გულისხმობს.