ლანჩხუთში მომხდარი აფეთქების შედეგად დაშავებული ერთი პირის მდგომარეობა მძიმეა,- ამის შესახებ ,,ინტერპრესნიუსს“ კლინიკა "მედალფას“ დირექტორმა რევაზ კვერენჩხილაძემ განუცხადა. მისი თქმით, პაციენტს სხეულის 80% -ის დამწვრობა აღენიშნება და თბილისში, დამწვრობის ცენტრში გადაჰყავთ.
"ერთი დაშავებულის მდგომარეობა მძიმეა, მეორის კი დამაკმაყოფილებელია. მძიმე მდგომარეობაში მყოფი პაციენტი შემოვიდა დამწვრობითი შოკით, გამოყვანილია შოკიდან, დამუშავებულია დამწვრობის უბნები და ახლა გადაჰყავთ თბილისში, დამწვრობის ცენტრში. მას სხეულის 80% -ის დამწვრობა აღენიშნება. რაც შეეხება მეორე პაციენტს, მას აღენიშნება 4%-დან 6%-მდე დამწვრობა და გადაყვანას არ საჭიროებს ,“- განაცხადა რევაზ კვერენჩხილაძემ.
ლანჩხუთში, გვარჯალაძის ქუჩაზე მდებარე ერთ-ერთ კორპუსში აფეთქება მოხდა. შემთხვევის შედეგად 2 ადამიანი დაშავდა.