რუსთავში, პირველი სამუსიკო სასწავლებლის ისტორიულ შენობაში, საკონცერტო დარბაზის რეაბილიტაცია მიმდინარეობს

რუსთავში, #1 სამუსიკო სასწავლებლის ისტორიულ შენობაში, საკონცერტო დარბაზის რეაბილიტაცია მიმდინარეობს. როგორც „ინტერპრესნიუსს“ რუსთავის მერიიდან აცნობეს, ინფრასტრუქტურული პროექტის ფარგლებში, სრულად გარემონტდება დარბაზი და ფოიე, დამონტაჟდება გათბობის, ვენტილაციის, სახანძრო უსაფრთხოების, თანამედროვე გახმოვანებისა და განათების სისტემები.

მიმდინარე სარემონტო სამუშაოებს, დღეს რუსთავის მერი ირაკლი ტაბაღუა, პირველ მოადგილე ბესიკ ტოგონიძესთან ერთად გაეცნო.

"პირველი სამუსიკო სასწავლებელი ქალაქის ისტორიულ უბანში მდებარეობს. სასწავლებლის საკონცერტო დარბაზი, რომლის რეაბილიტაციაც ამჟამად მიმდინარეობს, ერთ-ერთი გამორჩეულია თავისი აკუსტიკით. პროექტის ფარგლებში, შიდა სივრცის სრული რეაბილიტაცია და კეთილმოწყობა მოხდება. სამუშაოები, სავარაუდოდ, მარტის ბოლოს დასრულდება, რის შემდეგაც, რუსთავის ოთხივე სამუსიკო სასწავლებლის მოსწავლეებსა და და პედაგოგებს, საშუალება ექნებათ სხვადასხვა ღონისძიებები და ფესტივალები, განახლებულ დარბაზში გამართონ“, - განაცხადა რუსთავის მერმა ირაკლი ტაბაღუამ.

სამუსიკო სასწავლებლის დარბაზისა და პირველი სართულის ფოიეს რეაბილიტაციის პროექტის ღირებულება 529 001 ლარია. სამუშაოები ოქტომბრის ბოლოს დაიწყო და 2021 წლის მარტში დასრულდება.

რუსთავის #1 სამუსიკო სასწავლებელი 1961 წელს გაიხსნა. 1971-73 წლებში სასწავლებელს სათავეში ედგა ანსამბლ "რუსთავის“ სამხატვრო ხელმძღვანელი, ლოტბარი ანზორ ერქომაიშვილი, რომლის მოღვაწეობას უკავშირდება რუსთავში საგუნდო მუსიკის განვითარება. ამავე წლებში, თეიმურაზ ჯანელიძის ძალისხმევით ჩამოყალიბდა ,,გოგონათა კამერული გუნდი“ და სასწავლებლის კაპელა. რუსთავის სამუსიკო სასწავლებელი, ორი მასშტაბური ღონისძიების - კლასიკური მუსიკის ნორჩ შემსრულებელთა კონკურსისა და საგუნდო მუსიკის ფესტივალის ორგანიზატორია.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა