საქართველოში ლიეტუვის რესპუბლიკის სრულუფლებიანი ელჩი ანდრიუს კალინდრა ოფიციალური ვიზიტით თელავს ესტუმრა. ამის შესახებ ინფორმაციას თელავის მუნიციპალიტეტის მერია ავრცელებს.
ელჩს თელავის მერმა შოთა ნარეკლიშვილმა უმასპინძლა. გაცნობითი ხასიათის შეხვედრაზე მხარეებმა პანდემიის პირობებში ეკონომიკის შეუფერხებელ განვითარებაზე, თელავის ტურისტულ პოტენციალსა და მხარეებს შორის სამომავლო თანამშრომლობაზე ისაუბრეს.
ვიზიტის ფარგლებში, ანდრიუს კალინდრა თელავში, საქართველო-ლიეტუვის მეგობრობის სკვერსა და ალავერდის მონასტერში იმყოფებოდა.