ბათუმში, გორგილაძის ქუჩაზე "ქართული ოცნების" დეპუტატ გიორგი მანველიძის სახლთან ხმაური იყო.
ერთმანეთს "ქართული ოცნებისა" და მოძრაობა "არ დათმოს" წევრები სიტყვიერად დაუპირისპირდნენ, მოხდა მცირე ფიზიკური დაპირისპირებაც.
ინციდენტის მიზეზი კორპუსზე გამოფენილი ბანერი გახდა, რომელზეც "ერთიანი ნაციონალური მოძრაობის" წევრების ფოტოებია გამოსახული.
მოძრაობა "არ დათმოს" წევრები მმართველი გუნდის წარმომადგენლებს მონებს ეძახიან. თავის მხრივ, "ქართული ოცნების" მხარდამჭერებმა შემთხვევის ადგილზე ცოცხები მიიტანეს და ყოფილი ხელისუფლების მმართველობის პერიოდი შეახსენეს.
ადგილზე სამართალდამცავები არიან მობილიზებული.