ბათუმში, კლინიკა "მედცენტრის" ექიმი კორონავირუსის შედეგად გარდაიცვალა. როგორც კლინიკის ექიმი ზვიად ბახტაძე "ინტერპრესნიუსთან" საუბრისას აცხადებს, ექიმი კლინიკაში 14 ნოემბერს კოვიდინფექციით მოათავსეს და მისი მდგომარეობა თავიდანვე მძიმედ შეფასდა. პაციენტს თანმდევი დაავადებები აღენიშნებოდა.

"პაციენტი ჩვენი კლინიკის ექიმი იყო. მას გულის იშემიური დაავდება აღენიშნებოდა. 73 წლის მამაკაცი რეანიმაციულ განყოფილებაში მკურნალობდა და სამწუხაროდ, დღეს გარდაიცვალა“,- განაცხადა ექიმმა ზვიად ბახტაძემ.