რუსთავი-გარდაბნის მაჟორიტარულ ოლქში, საპარლამენტო არჩევნების მეორე ტური მიმდინარეობს.
როგორც „ინტერპრესნიუსთან“ საუბარში რუსთავის #20 საოლქო საარჩევნო კომისიის თავმჯდომარე გაგა აფციაურმა განაცხადა, 08:00 საათისთვის ყველა საარჩევნო უბანი ღია იყო და საარჩევნო პროცესი მშვიდ ვითარებაში, ყოველგვარი შეფერხების გარეშე მიმდინარეობს.
რუსთავი-გარდაბნის მაჟორიტარულ ოლში, სულ 124 საარჩევნო უბანია, აქედან 84 ძირითადი უბანი და 6 სპეცუბანი რუსთავის ტერიტორიაზე, 33 ძირითადი და 1 სპეცუბანი გარდაბნის მუნიციპალიტეტის ტერიტორიზეა, ამომრჩეველთა საერთო რაოდენობა 141 463-ია.
საპარლამენტო არჩევნების მეორე ტურში, „ქართული ოცნება- დემოკრატიული საქართველოს" კანდიდატი ნინო ლაცაბიძე და „ნაციონალური მოძრაობიდან" დავით კირკიტაძეა, რომელიც ბიულეტენში მაინც რჩება, მიუხედავად არჩევნების მეორე ტურის ბოიკოტირებისა.
ნინო ლაცაბიძეს საპარლამენტო არჩევნების პირველ ტურში ამომრჩეველთა ხმების 47.31% ერგო, დავით კირკიტაძეს კი 32.61 პროცენტზე მეტი.