რუსთავის მერმა ირაკლი ტაბაღუამ საკუთარი არჩევანი #1 საარჩევნო უბანზე დააფიქსირა. ირაკლი ტაბაღუას განცხადებით, მან ხმა მისცა მომავალს, სიკეთეს, მშვიდობას და სტაბილურობას.

"ჩვენ, პირველ რიგში პატივი უნდა ვცეთ ჩვენს ამომრჩევლებს, ვიცით, რომ აქტივობა პირველ ტურში საკმაოდ მაღალი იყო. საკუთარი კონსტიტუციური უფლება ყველა მოქალაქემ უნდა გამოიყენოს და დააფიქსიროს თავისი არჩევანი. მე ხმა მივეცი მომავალს, სიკეთეს, მშვიდობას და სტაბილურობას", - განაცხადა რუსთავის მერმა ირაკლი ტაბაღუას ჟურნალისტებთან საუბარში.

რუსთავში არჩევნების მეორე ტური დილიდან მშვიდ ვითარებაში მიმდინარეობს. 10 საათის მონაცემებით, 141 ათასი ამომრჩევლიდან უბანზე არჩევანის გასაკეთებლად 4 316 მივიდა.